Buzovnada dənizdə batan üç nəfərin AzTV əməkdaşının bacı və qardaşları olduğu məlum olub

Buzovna çimərliyində baş verən faciəli hadisədə dənizdə batan üç nəfərin AzTV-nin əməkdaşı, jurnalist Rəhilə Həmidovanın bacı və qardaşları olduğu müəyyən edilib. Xilasedicilərin hadisə yerinə çatmasına baxmayaraq, üç ailə üzvündən yalnız biri sağ qurtarılıb.

Fövqəladə Hallar Nazirliyinin xilasediciləri tərəfindən 2009-cu il təvəllüdlü Aysel Rafiq qızı Həmidova xilas edilib. Ona ilkin tibbi yardım göstərilib və aidiyyəti qurumlara təhvil verilib. 2014-cü il təvəllüdlü Əli Rafiq oğlu Həmidovun meyiti isə sahilə çıxarılıb.

Hazırda 2004-cü il təvəllüdlü Ruslan Rafiq oğlu Həmidovun axtarışları davam etdirilir. Onun da suda batdığı ehtimal edilir. Xilasedicilər axtarış əməliyyatlarını genişləndiriblər.

Qeyd edək ki, hadisə ötən gün Buzovna çimərliyində baş verib. İlkin məlumata görə, üç nəfər eyni ailənin üzvləridir və onlar dənizdə çimərkən batıblar. Faktla bağlı araşdırma aparılır.