Bakıda "Ford" markalı yük avtomobili yanıb

Bakının Nəsimi rayonu, S.Vurğun küçəsində "Ford" markalı yük avtomobilində yanğın baş verib. Hadisə barədə məlumat Fövqəladə Hallar Nazirliyinin (FHN) "112" qaynar xəttinə daxil olub. Məlumatdan sonra nazirliyin Dövlət Yanğından Mühafizə Xidmətinin yanğından mühafizə qüvvələri dərhal əraziyə cəlb edilib.

Hadisə yerində əməliyyat şəraiti qiymətləndirilərkən yanğının "Ford" markalı yük avtomobilində baş verdiyi müəyyən edilib. Yanğınsöndürənlər alovu qısa müddət ərzində söndürə biliblər. Hadisə nəticəsində xəsarət alan olmayıb.

Yanğının baş vermə səbəbi barədə əlavə məlumat verilməyib. Faktla bağlı müvafiq qurumlar tərəfindən araşdırma aparılır.