Tuapse Limanı MMC keçmiş sahibi Şahlar Novruzova qarşı ziyan ödənilməsi iddiası qaldırıb

Rusiyanın Tuapse Dəniz Kommersiya Limanı MMC, məhkəmə qərarı ilə əlindən alınan azərbaycanlı iş adamı Şahlar Novruzova qarşı yeni iddia qaldırıb. Şirkət Novruzovdan dəymiş ziyanın ödənilməsini tələb edir. İddia arbitraj işlərinin elektron bazasında qeydə alınıb, lakin tələbin məbləği hələlik açıqlanmayıb. İşə üçüncü tərəf kimi Rusiya Baş Prokurorluğu və Federal Dövlət Əmlakı Agentliyi cəlb olunub.