Bakının mərkəzində obyektdə yanğın başlayıb

Bakının Səbail rayonunda, Yusif Məmmədəliyev küçəsində yerləşən obyektdə yanğın baş verib. Fövqəladə Hallar Nazirliyindən verilən məlumata görə, hadisə barədə məlumat daxil olan kimi əraziyə Dövlət Yanğından Mühafizə Xidmətinin qüvvələri cəlb edilib.

Hazırda yanğının söndürülməsi istiqamətində operativ tədbirlər davam etdirilir. Hadisə yerinə polis əməkdaşları da cəlb olunub. Yanğının baş vermə səbəbləri və obyektin hansı məqsədlə istifadə edildiyi barədə əlavə məlumat verilməyib.

Fövqəladə Hallar Nazirliyi vəziyyətlə bağlı əlavə məlumatın veriləcəyini bildirib. Hadisə nəticəsində xəsarət alanların olub-olmaması barədə hələlik rəsmi açıqlama yoxdur.