Avqustun 8-də hava şəraiti açıqlanıb

Milli Hidrometeorologiya Xidmətinin yaydığı məlumata görə, avqustun 8-də Bakıda və Abşeron yarımadasında hava şəraitinin yağmursuz keçəcəyi gözlənilir. Gecə və səhər saatlarında şimal-qərb küləyi əsəcək, gündüz isə cənub-şərq küləyi ilə əvəz olunacaq.

Paytaxtda havanın temperaturu gecə 22-25 dərəcə isti, gündüz isə 31-36 dərəcə isti olacaq. Atmosfer təzyiqi 758 mm civə sütunu təşkil edəcək, nisbi rütubət gecə 70-80 faiz, gündüz 50-55 faiz arasında dəyişəcək.

Azərbaycanın rayonlarında havanın əsasən yağmursuz keçəcəyi proqnozlaşdırılır. Lakin gündüz bəzi dağlıq ərazilərdə qısamüddətli az yağış yağacağı və şimşək çaxacağı ehtimalı var. Gecə və səhər saatlarında bəzi dağlıq ərazilərdə arabir duman müşahidə olunacaq, mülayim şərq küləyi əsəcək.

Rayonlarda havanın temperaturu gecə 22-27 dərəcə isti, gündüz 34-39 dərəcə isti, dağlarda isə gecə 14-19 dərəcə isti, gündüz 23-28 dərəcə isti olacaq.