Özgür Özelin toxunulmazlığının ləğvi tələb edilib

Ankara Respublika Baş Prokurorluğu, Cümhuriyyət Xalq Partiyasının (CXP) keçmiş sədri və hazırda Yeni Partiyaya rəhbərlik edən deputat Özgür Özelin toxunulmazlığının ləğvi üçün Ədliyyə Nazirliyinə rəsmi müraciət ünvanlayıb. Bu barədə Baş Prokurorluğun yaydığı məlumatda bildirilir.

Prokurorluğun açıqlamasına görə, Özel barəsində zəncirvari şəkildə rüşvət almaq iddiası ilə aparılan araşdırma tamamlanıb və onun bu cinayəti törətdiyi müəyyən edilib. Bu səbəbdən deputatın toxunulmazlığının ləğvi ilə bağlı sənədlər Ədliyyə Nazirliyinə göndərilib.

Türkiyə qanunvericiliyinə əsasən, deputatın toxunulmazlığının ləğvi yalnız parlamentin qərarı ilə mümkündür. Prosesə əsasən, Ədliyyə Nazirliyi prokurorluğun hazırladığı sənədi parlamentə təqdim edir, müvafiq komitə araşdırma apararaq məsələni plenar iclasa tövsiyə edir. Yekun qərar isə iclasda keçirilən səsvermə nəticəsində verilir.

Qeyd edək ki, Özgür Özel əvvəllər CXP-yə sədrlik edib, lakin sonradan partiyadan ayrılaraq Yeni Partiyanı təsis edib və hazırda bu qurumun rəhbəri kimi parlamentdə təmsil olunur.