Laçında yaşayış evlərinin yaxınlığında yanğın baş verib

Laçın şəhərində yaşayış evlərinin yaxınlığında yanğın hadisəsi qeydə alınıb. Hadisə Qorxmaz Eyvazov küçəsində baş verib və ilkin məlumata görə, yanğın kol-kos və quru ot örtüyünü əhatə edib.

Yanğın zamanı əraziyə Dövlət Yanğından Mühafizə Xidmətinin Laçın rayon hissəsinin iki yanğınsöndürən maşını və şəxsi heyəti cəlb olunub. Yanğınsöndürənlər alovun yaşayış evlərinə keçməsinin qarşısını alıblar.

İlkin qiymətləndirmələrə görə, yanğın nəticəsində təxminən 200 kvadratmetr sahədə bitki örtüyü məhv olub. Hadisə yerində əməliyyat tədbirləri davam etdirilib.

Faktla bağlı əlavə məlumat verilməyib. Hadisənin baş vermə səbəbləri araşdırılır.