Mingəçevirdə kanalda batan 14 yaşlı yeniyetmənin meyiti tapılıb

Mingəçevir şəhəri ərazisində Qarabağ suvarma kanalında batan 14 yaşlı yeniyetmənin meyiti aşkar edilib. Fövqəladə Hallar Nazirliyinin dalğıc-axtarış qrupu avqustun 4-də baş verən hadisədən sonra axtarış işləri aparıb və meyiti batdığı yerdən təxminən 1 kilometr aralıda tapıb.

Meyit 2012-ci il təvəllüdlü Nicat Yalçın oğlu Şərifzadəyə məxsusdur. O, Mingəçevir şəhər 8 nömrəli tam orta məktəbin şagirdi olub və yeni tədris ilində 9-cu sinifdə təhsil almalı idi. Ailədə onun bir bacısı var.

Fövqəladə Hallar Nazirliyinin Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıcları meyiti sudan çıxararaq aidiyyəti üzrə təhvil veriblər. Hadisə ilə bağlı araşdırma aparılır.

Qeyd edək ki, yeniyetmə avqustun 4-də Qarabağ kanalının Mingəçevir şəhəri ərazisindən keçən hissəsində batıb. Hadisədən sonra FHN-in dalğıc-xilasediciləri dərhal axtarışlara cəlb olunub.