Kolleclərə qabiliyyət imtahanlarında iştirakçı sayı 39 faiz artıb

Dövlət İmtahan Mərkəzi (DİM) orta ixtisas təhsili müəssisələrinin qabiliyyət tələb edən ixtisasları üzrə qabiliyyət imtahanlarının başa çatdığını açıqlayıb. Məlumata görə, bu il tam orta təhsil (11 illik) bazası üzrə imtahanlarda iştirak etmək üçün qeydiyyatdan keçən abituriyentlərin sayı əhəmiyyətli dərəcədə artıb. 2025-ci ildə bu rəqəm 2396 nəfər idisə, 2026-cı ildə 3332 nəfərə çatıb ki, bu da 936 nəfər və ya 39 faiz artım deməkdir.