Füzulidə Araz çayı boyunca açıq ərazidə güclü yanğın

Füzuli rayonunun Mollaməhərrəmli və Seyidəhmədli kəndləri istiqamətində, Araz çayı boyunca yerləşən açıq ərazidə güclü yanğın başlayıb. Alov geniş əraziyə yayılıb və ətrafdakı yaşayış məntəqələrindən də aydın görünür.

Hadisə yerinə Cəbrayıl və Füzuli rayonlarının Yanğından Mühafizə bölmələrinin texnika və canlı qüvvəsi cəlb olunub. Fövqəladə Hallar Nazirliyinin müvafiq qüvvələri yanğının lokallaşdırılması və söndürülməsi istiqamətində tədbirlər görür.

Yanğının başvermə səbəbi və əhatə etdiyi ərazinin dəqiq həcmi hazırda araşdırılır. Hadisə ilə bağlı əlavə məlumat veriləcək.