Beyləqanda kanalda batan gəncin axtarışı davam edir

Beyləqan rayonunun Birinci Şahsevən kəndi ərazisindən keçən "Yeni Xan Qızı" adlı beton kanalda avqustun 6-da bir nəfərin batması barədə məlumat yayılıb. Hadisə yerinə Fövqəladə Hallar Nazirliyinin (FHN) müvafiq qurumlarının dalğıc-xilasediciləri cəlb olunub.

Məlumata görə, 2005-ci il təvəllüdlü Əhmədov Amin Zamir oğlu kanalda çimərkən suda boğulub. Hazırda onun meyitinin tapılması üçün axtarış-xilasetmə tədbirləri davam etdirilir.

Faktla bağlı Beyləqan Rayon Prokurorluğunda araşdırma aparılır. Hadisənin dəqiq səbəbləri və şəraiti araşdırılır.

Qeyd edək ki, batma hadisəsi kənd ərazisindəki beton kanalda baş verib və axtarış işləri həmin istiqamətlərdə aparılır.