Beyləqanda 18 yaşlı gənc kanalda batıb

Beyləqan rayonunda faciəli hadisə baş verib. Rayon sakini, 2005-ci il təvəllüdlü Amin Zamir oğlu Əhmədov dünən Birinci Şahsevən kəndi ərazisindən keçən “Yeni Xan Qızı” adlı beton kanalda çimərkən suda boğularaq həyatını itirib.

Fövqəladə Hallar Nazirliyinin (FHN) məlumatına görə, hadisə ötən gün qeydə alınıb. Nazirliyin Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-xilasediciləri dərhal axtarışlara cəlb olunublar. Hazırda gəncin batdığı ehtimal edilən istiqamətlərdə axtarış işləri davam etdirilir.

Amin Əhmədovun meyitinin tapılması üçün axtarışlar hələ də nəticəsizdir. Faktla bağlı Beyləqan Rayon Prokurorluğunda araşdırma aparılır. Hadisənin təfərrüatları və axtarış işlərinin nəticələri barədə əlavə məlumat veriləcək.