2026-cı ilin son günəş tutulması avqustun 12-də baş verəcək

Şamaxı Astrofizika Rəsədxanasının məlumatına görə, 2026-cı ilin ikinci və son günəş tutulması avqustun 12-də baş verəcək. Bu barədə Report-a açıqlamada bildirilib.

Tutulmanın tam mərhələsi İslandiya, İspaniya, Portuqaliyanın şimal-qərbi, Qrenlandiya və Atlantik okeanının şimal hissəsindən keçən zolaqda müşahidə olunacaq. Qismən günəş tutulması isə Avropanın böyük hissəsində, Şimali Amerikanın bəzi bölgələrində, Sakit okeanın bir hissəsində və Afrikanın şimal-qərbində görünəcək.

Tutulma Bakı vaxtı ilə saat 19:34-də başlayacaq və 23:57-də başa çatacaq. Maksimum mərhələ saat 21:46-da gözlənilir. Ümumi müddəti təxminən 5 saat olacaq tutulma zamanı tam günəş tutulması təxminən 7 dəqiqə davam edəcək.

Bu ilin birinci günəş tutulması kimi, sonuncu tutulma da Azərbaycan ərazisindən müşahidə olunmayacaq.