Tofiq Musayev UFC-də növbəti qələbəsini qazanıb

Azərbaycanlı MMA döyüşçüsü Tofiq Musayev Mütləq Döyüş Çempionatında (UFC) növbəti qələbəsini əldə edib. O, Serbiyanın paytaxtı Belqradda keçirilən UFC Fight Night turnirində slovakiyalı Lyudovit Kleynlə qarşılaşıb. Görüş yüngül çəki dərəcəsində baş tutub və gecənin ilkin kartında yer alıb.

Musayev rəqibini ikinci raundda texniki nokautla məğlub edib. Bu, 36 yaşlı idmançının UFC-də keçirdiyi üçüncü döyüş və ikinci qələbəsi olub. Azərbaycanlı döyüşçü təşkilatda debütünü 2025-ci ilin iyununda Bakıda edib və həmin görüşdə Mıktıbek Orolbaya məğlub olub.

Daha sonra Musayev 2026-cı il martın 28-də ABŞ-da Çilidən olan İqnasio Bahamondesi məğlub edərək UFC-də ilk qələbəsini qazanmışdı. Belqraddakı qələbə ilə o, təşkilatdakı uğurlu seriyasını davam etdirib.