Son 3 ildə tibb və səhiyyə ixtisasları üzrə 38 saxta diplom aşkarlanıb

Təhsildə Keyfiyyət Təminatı Agentliyinin (TKTA) 2026-cı ilin II rübü üzrə elektron bülletenində tibb və səhiyyə ixtisasları üzrə son 3 ildə 38 saxta diplomun aşkarlandığı bildirilir. Agentlik bu barədə məlumatları aidiyyəti dövlət qurumlarına göndərib.

Bülletendə qeyd olunur ki, 2025-ci ilin aprel ayından 2026-cı ilin yanvar ayına qədər 30 nəfər tanınma məqsədilə saxta diplom təqdim edib. Eyni zamanda, kvalifikasiyasının tanınmasından imtina edilmiş 50 nəfərin müxtəlif yollarla saxta tanınma şəhadətnamələri əldə etdiyi müəyyən olunub.

TKTA həmçinin əvvəlki dövrlə bağlı məlumat verib: 2024-cü ilin aprelindən 2025-ci ilin aprelinədək 53 nəfərin tanınma üçün saxta diplom təqdim etdiyi, 12 nəfərin isə Qaydaların 4.1-ci bəndinin tələblərinə uyğun gəlmədiyi üçün saxta tanınma şəhadətnamələri əldə etdiyi aşkarlanıb.

Agentliyin fəaliyyəti çərçivəsində saxta sənədlərin qarşısının alınması istiqamətində müvafiq tədbirlər davam etdirilir. Aşkarlanan hallar barədə məlumatlar aidiyyəti qurumlara ötürülüb.