Sabah Bakıda hava 32 dərəcəyədək isti olacaq

Milli Hidrometeorologiya Xidmətinin məlumatına görə, avqustun 6-da Bakıda və Abşeron yarımadasında əsasən quraq hava şəraiti gözlənilir. Səhər saatlarında bəzi yerlərdə qısamüddətli yağış yağa bilər. Külək əsasən şimal-qərbdən əsəcək, bəzən güclənəcək.

Havanın temperaturu gecə 22-25 dərəcə, gündüz isə 29-32 dərəcə isti olacaq. Atmosfer təzyiqi 759 millimetr civə sütunu təşkil edəcək. Nisbi rütubət gecə 70-75 faiz, gündüz isə 50-55 faiz arasında dəyişəcək.

Azərbaycanın rayonlarında da sabah əsasən quraq hava şəraiti gözlənilir. Lakin gündüz bəzi dağlıq və dağətəyi ərazilərdə qısamüddətli yağış və tufan ehtimalı var. Gecə və səhər bəzi yerlərdə duman olacaq. Külək əsasən şərqdən əsəcək.

Rayonlarda havanın temperaturu gecə 20-25 dərəcə, gündüz 34-39 dərəcə isti, dağlarda isə gecə 15-20 dərəcə, gündüz 24-29 dərəcə isti olacaq.