Rusiyadan Ermənistana Azərbaycan ərazisindən tranzitlə buğda daşınacaq

Sabah Azərbaycan ərazisindən tranzit keçməklə Rusiyadan Ermənistana buğda göndəriləcək. Bu barədə "Report" və APA agentlikləri məlumat yayıb. Məlumata görə, ümumilikdə 14 vaqon buğda tədarük ediləcək.

Yüklü qatar saat 11:00-da "Azərbaycan Dəmir Yolları" QSC-nin Biləcəri stansiyasından yola düşəcək. Bu, Azərbaycan ərazisindən tranzit daşımaların həyata keçirilməsi ilə bağlı razılaşmalar çərçivəsində baş tutacaq.

Qeyd edək ki, bu, regionda nəqliyyat dəhlizlərinin genişləndirilməsi və tranzit potensialının artırılması istiqamətində atılan addımlardan biridir. Daşımanın təşkili ilə bağlı əlavə təfərrüatlar açıqlanmayıb.