Rusiya Krasnatorska hücum edib: azərbaycanlıların əmlakı zədələnib

Rusiya ordusunun Ukraynanın Krasnatorsk şəhərinə hücumu nəticəsində şəhərdə yaşayan azərbaycanlıların əmlakına ziyan dəyib. Report-un Şərqi Avropa bürosunun məlumatına görə, Krasnatorsk Azərbaycan diasporunun rəhbəri Mübariz Rüstəmovun əmlakına ciddi zərər dəyib. Onun 500 kvadratmetr sahəsi olan ticarət obyekti və avtomobilləri raket zərbələri və pilotsuz təyyarə hücumları nəticəsində tamamilə məhv edilib.