İsmayıllıda 10 tondan artıq çətənə kolu məhv edilib

İsmayıllı Rayon Polis Şöbəsinin əməkdaşları "Xaş-xaş-2026" şərti adlı kompleks əməliyyat tədbirləri çərçivəsində Xanagah kəndi ərazisində yabanı halda bitən narkotik tərkibli bitkiləri aşkar ediblər. Bu barədə DİN-in mətbuat xidmətinin Şəki regional qrupundan məlumat verilib.

Aşkar edilən bitkilər arasında ümumi çəkisi 10 ton 135 kiloqram olan 5126 ədəd çətənə kolu olub. Polis əməkdaşları tərəfindən həmin kollar məhv edilib.

Əməliyyat narkotik vasitələrin qanunsuz dövriyyəsinə qarşı mübarizə çərçivəsində həyata keçirilib. Faktla bağlı əlavə məlumat verilməyib.