İçərişəhərdə restoran icarəçisi Qoruq İdarəsindən şikayətlənir

Bakıda, İçərişəhərdə fəaliyyət göstərən sahibkar Abbas Nəcəfli Dövlət Tarix-Memarlıq Qoruğu İdarəsinin qərarları səbəbindən uzun illər ərzində qurduğu biznesin ciddi təhlükə ilə üzləşdiyini bildirir. Onun sözlərinə görə, son 15 il ərzində “Qız Qalası Çay Evi”, “Old Mangal” və “Sehirli Təndir” ictimai iaşə obyektlərini icarə müqavilələri əsasında idarə edib. Bu müddət ərzində obyektlərə böyük həcmdə şəxsi investisiya yatırılıb, əsaslı təmir işləri aparılıb, müasir xidmət infrastrukturu yaradılıb və məkanlar həm yerli sakinlər, həm də xarici turistlər arasında populyarlaşıb.