Ceyhun Bayramov ATƏT-in fəaliyyətdə olan sədri İqnazio Kassisi qarşılayıb

Azərbaycanın xarici işlər naziri Ceyhun Bayramov ATƏT-in fəaliyyətdə olan sədri, İsveçrə Konfederasiyasının Federal Şurasının üzvü və Xarici İşlər üzrə Federal Departamentin rəhbəri İqnazio Kassis ilə görüşüb. Bu barədə Azərbaycan Xarici İşlər Nazirliyinin "X" sosial media hesabında məlumat yayılıb.

Görüş zamanı Azərbaycan–İsveçrə ikitərəfli münasibətlərinin gündəliyi, regional və beynəlxalq proseslər, həmçinin ATƏT çərçivəsində əməkdaşlıq məsələlərinin müzakirə olunacağı bildirilir.

Nazirliyin paylaşımında qeyd olunur ki, İqnazio Kassis Bakıya səfər edib və görüş hazırda davam edir. Təkbətək görüşün başlanması barədə də məlumat verilib.

Qeyd edək ki, İsveçrə 2026-cı ildə ATƏT-ə sədrlik edir və bu çərçivədə Kassis təşkilatın fəaliyyətdə olan sədri kimi region ölkələrinə səfərlər həyata keçirir.