Bakıda 14 yaşlı yeniyetməyə kəsici-deşici alətlə xəsarət yetirilib

Bakının Binəqədi rayonunda 14 yaşlı yeniyetmənin həmyaşıdı tərəfindən kəsici-deşici alətlə xəsarət yetirilməsi barədə polisə məlumat daxil olub. Hadisə ilə bağlı Daxili İşlər Nazirliyinin Mətbuat Xidmətinin əməkdaşı Cəsarət Qənbərli ərazi polis orqanında araşdırma aparıldığını təsdiqləyib.

Faktla bağlı Cinayət Məcəlləsinin müvafiq maddəsi ilə cinayət işi başlanılıb. İstintaq çərçivəsində tərəflərin izahatları alınıb, hadisə yerinə baxış keçirilib və şahidlər dindirilib. Xəsarətlərin ağırlıq dərəcəsinin müəyyən edilməsi üçün müvafiq ekspertizalar təyin edilib.

Hazırda hadisənin bütün hallarının və başvermə səbəblərinin tam, hərtərəfli və obyektiv araşdırılması istiqamətində zəruri istintaq tədbirləri davam etdirilir. Polis əməkdaşları hadisənin bütün təfərrüatlarını aydınlaşdırmaq üçün iş aparır.