Şuşada təcili tibbi yardım şöbəsi fəaliyyətə başlayıb

Şuşa şəhərində təcili tibbi yardım şöbəsi fəaliyyətə başlayıb. Əvvəllər Bakıda fəaliyyət göstərən bu şöbə Şuşaya köçürülüb. Məlumatı TƏBİB-dən Report-a verilib.

Şöbə gecə-gündüz (24/7) rejimində işləyir və iki təcili tibbi yardım avtomobili ilə təmin olunub. Bu barədə 1news.az TƏBİB-ə istinadən məlumat yayıb.

TƏBİB əhalinin təcili tibbi yardım xidmətlərinə çıxışını genişləndirmək, çağırışlara daha operativ reaksiya vermək, xidmətin əhatə dairəsini və əlçatanlığını artırmaq məqsədilə müvafiq tədbirləri davam etdirir.

Qurumdan bildirilib ki, son illər ölkənin müxtəlif regionlarında təcili tibbi yardım xidmətinin təşkilinin səmərəliliyini artırmaq üçün yeni stansiyaların və filialların yaradılması, fəaliyyət göstərən briqadaların sayının artırılması, habelə maddi-texniki bazanın möhkəmləndirilməsi istiqamətində ardıcıl tədbirlər həyata keçirilir.