"Qarabağ"ın Konfrans Liqası oyunlarının hakimləri açıqlanıb

"Qarabağ"ın UEFA Konfrans Liqasının III təsnifat mərhələsində Kiyev "Dinamo"su ilə keçirəcəyi oyunların hakim briqadaları müəyyənləşib. İlk matç avqustun 6-da Bakı vaxtı ilə saat 21:00-da Polşanın Lublin şəhərində baş tutacaq və bu görüşü Danimarkadan olan hakimlər idarə edəcək.

Danimarka briqadasının baş hakimi Morten Kroq olacaq. Ona yan xətt hakimləri Şteffen Bramsen və Viktor Skite kömək edəcək. Dördüncü hakim funksiyasını Yakob Karlsen yerinə yetirəcək, VAR sisteminə isə Yakb Kelet nəzarət edəcək.

Cavab matçı avqustun 13-də Bakıda, Tofiq Bəhramov adına Respublika Stadionunda saat 20:00-da başlayacaq. Bu görüşü İngiltərədən olan hakimlər briqadası idarə edəcək. Baş hakim Stüart Attvell olacaq, ona yan xətt hakimləri Yan Hussin və Nik Qrinhalq kömək edəcəklər.

Dördüncü hakim funksiyasını Lyuis Smit yerinə yetirəcək, VAR-da isə Piter Benks çalışacaq. Hər iki oyun "Qarabağ"ın avrokuboklardakı mübarizəsi üçün əhəmiyyətli addım olacaq.