DünyaÇində güclü yağışlar 65 min insanın evakuasiyasına səbəb olub
Çinin cənub-qərbində yerləşən Sıçuan əyalətində güclü yağışlar və daşqın təhlükəsi səbəbilə təxminən 65 min nəfər evakuasiya edilib. Bu barədə Çin Mərkəzi Televiziyası məlumat yayıb. Məlumata görə, avqustun 1-də əyalətin bir neçə şəhərinə, o cümlədən inzibati mərkəz olan Çenduya yenidən leysan yağışlar yağıb.
Ayrı-ayrı rayonlarda sutka ərzində 186 millimetrə qədər yağıntı düşüb. Rəsmi məlumatlara görə, may ayında başlayan daşqın mövsümündən bəri Sıçuan əyalətində ümumilikdə 881 min nəfər evakuasiya edilib.
Hakimiyyət orqanları əhalinin təhlükəsizliyini təmin etmək üçün tədbirlər görür və vəziyyət nəzarətdə saxlanılır. Yağışların davam edəcəyi proqnozlaşdırılır.