İlham Əliyev: Mərkəzi Asiya ölkələri ilə münasibətlər Azərbaycanın xarici siyasətinin prioritetlərindən biridir

Azərbaycan Prezidenti İlham Əliyev Mərkəzi Asiya ölkələri ilə münasibətlərin ölkənin xarici siyasətində prioritet istiqamətlərdən biri olduğunu bildirib. Bu açıqlama Qırğızıstanın Çolpon-Ata şəhərində keçirilən Mərkəzi Asiya dövlət başçılarının və Azərbaycan liderinin qeyri-rəsmi məşvərət görüşündə səsləndirilib.

Dövlət başçısı qeyd edib ki, 2023-cü ilin əvvəlindən bu günə qədər o, Mərkəzi Asiyanın qardaş ölkələrinə ümumilikdə 16 səfər edib. Öz növbəsində, Mərkəzi Asiya dövlətlərinin rəhbərləri Azərbaycana 26 dəfə səfər ediblər. Prezident vurğulayıb ki, bu statistika münasibətlərin dinamikasını və yaxınlığını ən yaxşı şəkildə əks etdirir.

İlham Əliyevin sözlərinə görə, bu gün Mərkəzi Asiya və Azərbaycan vahid geosiyasi və geoiqtisadi regiona çevrilib. O, həmçinin qeyd edib ki, bu formatda ilk dəfə olaraq hüquqi üzv qismində iştirak edir.

Prezident əmin edib ki, Azərbaycan öz növbəsində əməkdaşlığın daha da genişləndirilməsi və ölkələr və xalqlar arasında yaxınlaşmanın dərinləşdirilməsi üçün bütün səyləri göstərəcək.