Alim Qasımov qızı Fərqanə Qasımovanı ürək sözləri ilə təbrik edib

Xalq artisti Alim Qasımov qızı, Əməkdar artist Fərqanə Qasımovanın ad günü münasibətilə ürək sözləri ilə paylaşım edib. Sənətkar bu paylaşımında qızına həm dünyəvi, həm də mənəvi arzularını ifadə edib.

Alim Qasımov qızının hər keçən yaşının ona yeni təcrübələr və fərqli həyat anları gətirməsini diləyib. O, qızının könlünə genişlik verilməsi, qarşısına xeyirli insanların çıxarılması və sevdiyi qullarının sevgisi ilə rızqlandırılması üçün dua edib.

Xalq artisti həmçinin qızının dünya və axirət nemətlərinin ən gözəlinə qovuşmasını, üzünün hər iki aləmdə gülməsini arzulayıb. O, qarşıda gözlənilən şər və müsibətlərin qaldırılmasını, nemətlərin isə artırılmasını diləyib.

Alim Qasımov qızının ruzisinə, ömrünə, gününə və vaxtına bərəkət verilməsini, onun və balalarının xəyal edə bilmədiyi gözəlliklərə qovuşmasını arzulayıb. Sənətkar paylaşımını "Doğum günün mübarək olsun, Fərqanə" sözləri ilə tamamlayıb.