20 il Bakıda gizlənən oğurluqda təqsirləndirilən şəxs saxlanılıb

Rusiyanın Kamçatka vilayətində 2006-cı ildə törədilmiş oğurluqda təqsirləndirilən 59 yaşlı kişi 20 il sonra saxlanılıb. O, uzun müddət Bakıda gizlənib. Məlumata görə, həmin şəxs bir neçə nəfərlə birlikdə dəniz limanında körpüyə yan almış gəmiyə daxil olaraq anbar moduluna aparan qapının şüşəsini çıxarıb və ümumi dəyəri 550 min rubldan çox olan balıqçılıq avadanlıqlarını oğurlayıb.

Oğurlanan əşyalar əvvəlcədən icarəyə götürülmüş avtomobillə daşınıb və satılıb. Hadisədən sonra təqsirləndirilən şəxs istintaqdan yayınaraq Azərbaycana qaçıb və axtarışa verilib. Onun cinayət ortaqları isə məhkəmə tərəfindən cəzalandırılıb.

20 ildən sonra həmin şəxs Moskva hava limanlarından birində saxlanılıb. Onun barəsində Rusiya Cinayət Məcəlləsinin "Oğurluq" maddəsi ilə cinayət işi açılıb və iş üzrə materiallar baxılması üçün məhkəməyə göndərilib.